肥馬要變返做瘦馬.v.

幾經辛苦我終於都搵返貓網啦
我係eugen
我冇讀書啦,唉上年仲哂左一年讀中六
不過鬼叫自己唔鍾意讀書咩
al唔考都冇咩所謂咯..橫掂都廿一歲老人家黎啦
而家做返老本行
心情成日唔好成日係咁食食食

今日食左咩都打唔到出黎
都係比個目標自己先

1.每日要飲8杯水
2.早d休息
3.不得暴飲暴食
4.多菜小肉
5.夜晚8點後不進食

其實我真係好怕d人生左小朋友出黎唔理
就好似我表姐咁
大我2年而家有個4歲既囡囡淑汶
睇左佢4年早幾日粒聲唔出唔知去左邊
我屋企人迫於無奈就比佢同我住
睇見個細路女攬住自己喊住咁問點解媽咪唔要佢我都真係好心up

今日搵左爸爸黎幫手執好間房比淑淑
搬野搬到我死下死下
夜晚去antie度接佢返黎
之後同佢去左超市買下野同佢行下
等細路女快d習慣新環境都好既

同男朋友分左手都兩個幾月啦
要放低都放左
係送唔低一個我鍾意左幾年既人
可惜丫 就黎冇咩機會會同佢見啦...

今日食左d咩..打唔哂出黎
打下心事算啦

目前體重:102lbs
目標:95lbs

今日好認真咁睇下自己個樣
訓得夠係sharp d既
我真係好唔鍾意d野突然間殺埋黎
聽日返工真係遇左好忙
仲要係上晝未回魂既時候最忙..!

今日見唔到佢真係有d怪怪地既感覺
不過都係要習慣下
至小幾個月後佢都轉公司...

今日真係涼左好多
夜晚放工去湊淑淑個陣先醒起個傻女冇咩衫著
得個十幾度好心就買件外套比佢啦又唔係冇錢
同左佢去sogo買衫買被
之後又同佢去supermarket買野食啦
鬼叫佢婆婆整d野佢細路女食唔到架咩!!

成篇日記都係打住淑淑
我真係當左佢係呀女
一個細路女諗到老母唔要自己
d人將佢扔黎扔去一定唔好受right?
今晚整左飯比佢食
佢問我'姨姨 你會唔會唔要淑淑架'
淑淑 姨姨應承你 除非你媽咪要返你
如果唔係姨姨一定唔會唔要你

早餐:餐包一個,咖啡一杯
午餐:蛋糕一件,花生數粒
晚餐:叉燒飯+油菜

我就黎激到叫救命架啦
都唔知呢間咩公司黎架
小圈子犀利到丫
我係日日準時收工架 你慘得過我做哂d野咩死八公
你記住唔好3分顏色上大紅 你未夠班學人擺官威囉okay
我中五畢業好過你讀完大學英文信都唔識打囉

呢幾日淑淑返左表哥度
有表嫂睇住都好既
尋晚約左朋友出去飲野
今朝5點先返到屋企

不斷食食食同埋訓
有間學校請我去做職員
都有2萬蚊一個月
轉唔轉工好呢

呢期都係忙
我出年一月轉新工
仲高人工過而家個度

死啦我又肥返好多
今日出左去跑步

早餐：乳酪一杯
午餐：魚蛋米＋凍檸茶
晚餐：灼菜一大碗

年初四 同大家拜個年先
希望各位心想事成

今日同左佢一齊啦..
希望真係可以長長久久

早餐:蛋牛治+凍檸茶
午餐:麻辣豚肉米粉1/3碗
晚餐:檸蜜一杯+雜果賓治一杯+半碟沙律(雜菜+油醋汁)
其他:易極數粒