女子 月巴 口牙 !!! 三咸 三咸 三咸 !!!

新一年嘛~~開個新日記 !!! (反正xanga我都唔可以再寫d咩gala ...)

依家大肚中 ... 7個月 ... 體重約125 lbs

絕對只此一胎 !!!
(生仔呢d咁辛苦既野真係唔多岩我 ... 所以一次好了 ... 雖然我很喜歡bb)

本來打算3月生完可以即刻減肥 ... 不過聽人講餵人奶的話不能太刻意減肥 ... oooo too bad ... 所以應該有排都唔會點減 ....



呢個日記名係咪好奇怪 ...? 事關bb在肚裡太活躍 ... 令到我的肚很痛 ... 從而諗起呢本書----妳的肚子裡可有蝴蝶飛舞 ...

睡前一個小願望 .... 今晚不要抽筋好了 ...>.<...

前幾天不知什麼野 ... 足足痾足2日 ... 2日內痾左十幾次
睇醫生都係個句 ... 腸胃炎 ... 痾多幾次就冇事gala ... 連藥都唔比我 ...(驚食左對bb唔好)
都唔知點解 ... 有左bb之後好似隔一排就會咁 ... 以前成年都冇一次ga ...

同梁生去左陪產講堂 ... d相恐怖到我唔敢睇 ...
梁生睇完都話到我生個時都未必敢睇 ...
聽完先知一般生第一胎要十二個鐘 ... 即係佢要企係度十二個鐘 ... 我地聽完真係啞左 ...
有冇咁耐丫 .......?

依家先知原來政府醫院係冇得保存擠帶血庫 ...
車 ... 咁即係擺明係有錢人既福利啦 ..........
我成日都驚 ... 自己因為貧血都輸過好幾次血 ... d血都唔知有冇事 ...
雖然有左之後都body check過 ... 不過一向都唔太十分信body check呢樣野 ... (因為我爸個時去check都check唔到佢有呢個病)

都唔知點解我已經日日食燕窩+蛋+奶 ... 都仲係成日抽筋 ... 係咪孕婦都會咁既呢???

THX 貓網既護士姐姐 ... 多謝你既資料 ...^^

妖~~呢間呃人公司 !!! ><
又話我上年未做夠一年所以冇bonus ....
今年我有啦 ... 又係話得雙糧 ...
超~~呃人既 ... 前言不對後語 ><
雖然都估到佢會咁 ... 等我2月中放產假時佢唔使咁傷 ... (到時要請個人頂我)
不過真係好嬲low ... 我期待左好耐架嘛 ......... 明明當然我上司同老闆都唔係咁講架ma

搞到我依家真係想聽梁生話放完產假就唔做 ... 辭左搵份pt算了
始終呢份工時間真係好長 ... (一星期返足六日 ... 每日10個鐘)
我想多d時間陪bb呢 ........>3<
仲有我想餵人奶 ... 但如果返呢份工就冇可能了 ...
(因為公司連lunch time時間都冇 ... 冇得比我儲奶)

不過如果我辭左份工 ... 我既計劃嚴重受阻 ...
好掙扎tim ..........

難過 ....... 你亦要闖過 ....... 努力去上一課!!!

呢個新年教訓我記住了 !!!!!!





阿仔定唔知阿女 ....... 你幾時肯訓a .......? 你唔訓我訓唔到架 ><

下星期19/2開始放產假 .......

好想快d見到bb .....
好想知道係仔定係女 .....
親愛的 ... 你快d出黎見我啦>3<



我依家已經比我冇bb個時重左近30磅 .... (即係13x磅)
好怕自己減唔返 ... 變肥師奶 ...
依家有時出街真係唔想見到識既人 ...
有d自卑tim ...
梁生成日話我咁諗好傻 .....
不過我真係好自然就會咁諗 .....
畢竟我以前最肥個時都未試過咁重 ....

20/2 ... 20:55

蝴蝶出來了 ... 原來係個小男孩 !!!



親愛的 ...........

你知道我有多愛你嗎??? >3<

P.S. 在此感激聯合醫院4A產後房所有護士的悉心照顧 ... 你們實在太好了 ...

呢個幾月都冇覺好訓 ...

大頭寶寶一日比一日唔乖 ... 一日比一日痴人 ...

成日都要抱住訓 ... 又唔諗下自己有幾重WOR ... 真係比d大人寵壞你~~

本打算30/4之後返工會繼續餵人奶 ... 不過已經決定放棄了

到30/4返工 ... 就會開始認認真真減肥 ...

呢20 LBS ... 我要係夏天減左佢 ... 冬天就唔使著埋D大碼衫 !!!


最後附上大頭寶寶舊相 ... https://www.facebook.com/p.php?i=1095402290&k=361YXWRRUVXM5GDBXF62VS

下一次寫日記應該係月尾既事了 ..... 希望到時有心機打返減肥日記啦~~

話咁快就就黎放完10星期既產假 ... 星期四開始返工

去萬O買左個OTO磅 ... $160都唔使 ... 抵A~~
不過唔記得KEEP收據有保養 ... 算了 ... 壞左都會懶去整 ...

上一上磅 ... 成125 LBS A ... 坐月期間我足足重左6 LBS
難得阿WING同KITKIT黎探我 ... 竟然都話我冇咩點肥 ... 真係點講都唔信 ...
ANYWAY~~5月真係要開始減~~GO~~



大頭B食左2個月人奶 ... 一向都ok乖 ... 好少會發脾氣同大叫 ...
不過因為星期四開始返工不打算繼續餵人奶 ... 上星期五開始一日改一餐食奶粉 ... 慢慢加上去
發覺大頭B呢幾日經常無端端都發脾氣同大叫 ... 訓訓下都會咁 ...
關唔關奶粉事??? 唉唉唉~~
都唔知試唔試轉食第二隻奶粉好 ...

30/4 125 lbs

B: 香蕉1只 + 梳打餅1包
L: 豬潤肉片粥1碗 + 生菜全走1碟
D: 湯1碗 + 菜少許 + 燒鴨3件 + 包1個
仲有 ... 包2個 ... 百力滋35g

1/5 125 lbs

B: 麥片1碗
L: 牛丸米線1碗 + 白菜
D: 菜多肉少

仲有 ... 朱古力雪地1杯 + 芝士吐司1片 + 粟米少許 + 涼茶

4/5 124 lbs

唔寫飲食日記喇 ... 寫完我自己都唔睇啦 ... 冇意思既

我開始覺得養一個BB真係好貴 ... 阿仔唔使2個星期就食左一罐價值2百幾蚊既奶粉
尿片又要用最貴既PAMPERS ... 唔係個PATPAT又變左猴子PATPAT (一包約$100可用一星期多D咋~遲D用中碼仲貴) (fitti, sealer, huggies個d都唔得)
D玻璃 & 膠 奶樽 + 奶咀 ... 又買左幾佰蚊 ...
珍珠末6支 ... 盛惠2百蚊
保嬰"單" ... 盛惠1百蚊

真係未返工 ... 先出血 !!!

講返呢幾日岩岩返返工 ... 真係好唔慣 ...
好多野都唔同左 ... 要記過哂 ...
成日都好掛住大頭B .....
電腦WALLPAPER都用左佢既相 ....
個個都讚佢得意 ...... WAKAKA ...... 心諗 : 緊係LA~~我個仔BOR~~~~

真係要開始減肥了 ... 唔係我會開始嫌棄自己的 ........

大頭b又要換哂d奶樽 .... 要換過d防風既 .... 承惠$500丫
原本我個b唔使十日可以ｋｏ一罐大奶粉 ....

阿仔 .... 你阿媽份糧真係唔夠你使了 ....
仲有 .... 你今日冇對我笑過wor ....




真係開始減肥了 ..... 減左4lbs ..... 依家係121 lbs .....
今日去左做gym ..... 梁生嚇左一跳 ....
梁生呀梁生 .... 你實在太過低估你老婆我減肥既意志了
希望8月尾前可以減返去我keep得最耐既磅數 ...... 105 lbs啦

講下減肥先 ... 呢一個月減左8lbs ... 依家即係117 lbs ...
頭4-5磅真係減得好易 ... 之前就難dd ...
仲未著得返以前d衫 ... 減多一個月就應該得架喇~~
我好堅持唔減返去110以下都絕對唔買衫 ....
所以依家仲係成日著梁生既衫 ...
咁既男仔衫look ... 我自己都睇唔慣
period終於來了 ... 真係討厭 ...

前幾日終於返屋企拎返以前d衫 ... 著到喎 !!!!
不過有少許窄 ... 特別係d裙 (個肚d肉好鬆呢...著牛仔褲都掩飾到既...)
不過唔使再著老公既衫 ... 已經好happy ...

之前減到去112 lbs架 ...
不過period黎左 ... 又因為最近開始有出去同朋友聚下食飯 ...
so肥返少少 ... 岩岩磅都有114.6 lbs

anyway ... 我會keep住努力 ...

我絕對不做肥師奶 !!!!!!!!

好耐冇上黎 ... 好耐冇打日記 ...

我個日記 ... 竟然去到第2頁 ... ?!



減肥呢樣野 ... 我真係忘記得7788 lu ...

不過岩岩食左飯 ... 飲左2杯水都係110.7 lbs ... 算係勉強接受到既範圍啦

依家我日日食早餐都食好多野 ... 反而晚餐食唔多(因為要照顧hei bb) ... (不過有時宵夜會食零食﹑壽司﹑刺身~>梁生既至愛3寶)

不過梁生某兄弟見我一次都話我肥過一次 ... 真係 ...xzy!!!



我決定新年後一定辭工 ... 我已經完全冇心留係度 ...

之前辭職信都打左諗住即走 ... 不過最後都決定留返新年後 ...

管他有冇三糧 ... 我都要拎返我既雙糧 !!!

有時間真係好佩服身邊的朋友 ... 話辭工就辭工 ... 諗都唔使諗 ...

我 ... 真係冇咁既勇氣 ...

雖則屋企唔等我份人工開飯 ... 不過一下子冇收入我會過唔到自己個關 ...

如果唔係呢份工實在有太多問題 ... 我真係唔會走囉 ...



聽日會一個人返大陸 ... 即日來會 ... 好耐冇離開過hk lu~~

我已經開始有d驚掛住hei bb tim~~

一到冬天 ... 成日都覺凍 ...

成日都打邊爐 ... 搞到肥左好多 ...

我要減減減減減減減減減減減減減減減減減 !!!!!!!!!!!

我既恆心呢 ...........???????????

湊仔唔係一個藉口 ... 不過我真係拎左黎用 ...

好懶呀~~~~~~~~

一至六都返full day ... 放工湊仔 ... 完全零運動 ...

星期日我放假就奶奶返工 ... 所以都係湊仔 ... 陪hei bb一日 ... 唔係食就訓or去海邊坐............

體力本已不好 ... 現在更差 ...

梁生都話完全冇期望 ...

依家110 lbs ... 不過睇上去比實際肥 ...

我 ...... 都唔知自己想點 ....... 可以點

我要辭工我要辭工我要辭工我要辭工我要辭工我要辭工我要辭工我要辭工
我要辭工我要辭工我要辭工我要辭工我要辭工我要辭工我要辭工我要辭工
我要辭工我要辭工我要辭工我要辭工我要辭工我要辭工我要辭工我要辭工
我要辭工我要辭工我要辭工我要辭工我要辭工我要辭工我要辭工我要辭工
我要辭工我要辭工我要辭工我要辭工我要辭工我要辭工我要辭工我要辭工!!!!!!!!!!

我唔要我既人生只有工作同湊仔 !!!

梁生當然不反對 ...... 反而奶奶反對 ......

頂 !!!!!!!!!

========================================================

婚後生活仍然ok~~

除了大家既脾氣多左 ... 吵架次數多左 ... 其他方面都冇咩問題 .............


完 !!!!

27/1

真的不能接受這樣的自己了~~
我不做肥師奶 !!!

不過人愈大~~愈發現健康真係好重要~~
特別是爸爸過世 … 熙熙出生後 … 有所牽掛 …
我好想長命D … 可以睇到佢讀書 … 結婚 … 有自己的家=3=

所以今次減肥 … 要健康咁減 !!!

B: 十字牌低乳糖低脂奶一盒(113 kcal)﹑天然紅苺乾5粒﹑芝麻梳打餅1包
L: 义燒蛋湯米﹑白菜仔全走
D: 菜﹑魚肉﹑豬肉少許
N: 鳳凰卷2舊﹑涼茶1杯

真係好唔慣 ... 之前太慣大魚大肉了
呢一刻好想食零食呀~~~~~~~~~

28/1 ---- <1>

尋晚真係覺得忍得好辛苦~~
好唔慣呢~~有想食宵夜的衝動 …
幸好最後也忍下來了 …
真的很懶 … 完全沒有運動 …
和hei bb玩已經係我既最大運動 (darling~~抱抱=3=)

B: “包點先生”菜肉包1個(很大個呢)﹑枇杷膏1湯匙
L: 鮮茄豬潤肉碎湯飯﹑熱檸水走甜
D: 芥末魚柳包半個﹑魚肉菜各少許
16:00 炸魚波5粒(客的手信…)
22:00 薯片45g (睇電視食薯片已經係我同梁生既習慣 = = 不過清埋呢包不會再買了)
24:30 出前一丁公仔麵60g

太可惡喇 !!! 真係忍唔到唔食宵夜 …
特別係梁生仲要煮埋放在我面前 …
早知早d訓算了 …

29/1 ---- <1>

B: 草莓乳酪1杯﹑枇杷膏1湯匙
L: 蘿白湯檬1碗﹑蠔油芥蘭1盒
D: 同貓網8位朋友食飯 … 食左好多野 … )
11:00 杏仁朱古力百力滋30g
15:00 朱古力餅1塊 (公司有很多朱古力 … )
24:30 罐頭湯1碗 (又同梁生齊齊食宵夜 … 點解佢可以食極都唔肥 … 我就 ... = =)

唔知點解 … 食朱古力真係會令我愈食愈眼訓 …

今晚同貓網既朋友仔食飯 …
有ERICA﹑小春﹑KATHY﹑魚魚﹑霓﹑b媽﹑包包
我地8個人女仔包埋餐廳內一間房 …
(身為攪手的我遲大到 = = 因為去左油麻地拎BB會送比熙熙既玩具 … 個刻真係好驚間房會讓左比人 … 幸好最後都冇事啦~~)
真係好開心 … 好耐冇試過笑到臉肉都痛 …
聽住B媽同魚魚整既藝術品 … 同埋聽小春同KATHY既對話已經笑到傻左 …
下次再BOOK我會記得BOOK要餐廳門口轉右個間房 … 因為真係大少少同埋冷氣涼很多 =]

30/1 ---- <1>

B: 十字牌低乳糖低脂奶一盒(113 kcal)﹑枇杷膏1湯匙
L: 椰菜豆卜2/3碗﹑大雞脾1只﹑咸桔水1杯
D: 唔記得 .....
15:00 梳打餅1包﹑炸魚波15粒

我低估了自己的食量 = =
LUNCH食完完全唔覺飽 … 下午茶時間已經好餓 …
好彩公司好多野食 … (唔知好事定壞事 …)

31/1 ---- <1>

是日在家照顧bb ... 手忙口閒~~食左好多野~~

唔知係咪因為見得太多友人早結婚 ... 都冇好下場 ...
令到我有d擔心tim .....
雖然呢一刻我地仍然好恩愛 ...
但見佢煙又愈食愈多 ... 返工愈黎愈瘋狂 (因$壓力大?!)
真係好怕佢走爸爸果條路~~
而且見佢成日同班兄弟係屋企附近飲酒 ...
總覺得 ... 有d唔開心 ...
我會驚係咪有其他女仔係度 ...
又會驚其實佢好唔開心 ... 不過又唔同我講
不過又唔想成日跟住哂去check佢 ....

最近友人都提醒我愈唔似有外遇先會有外遇 ...
聽起上黎都有d道理 ... (諗返起鄭先生已經係一個好例子)
看來我都係要小心d好 ...
至於我自己呢~~唔知點解有d人會覺得我遲早會有另一個囉~~
外遇呢樣野 ... 我諗我真係得個諗字~~
個心可能有一刻會 ... 個人一定唔會囉 ... 我過唔到自己個關 ... 我受唔起個後果 ...
而且 ... 我連大話都好似冇同梁生講過 ... 我點呃梁生丫~~
所以 ... 梁生你繼續努力愛我好了~~哈哈~~

愈黎愈覺得結婚唔知為乜 ...... 除左因為個仔之外 ......

點解結左婚既女人就要留在家相夫教子???

咩世代呀 ???????


我繼續專注我既事業好了~~目標係有能力唔做依家份工 !!!!!!

很久沒打日記了~~

沒工作已經半個月有多了 ... 除左終於去左次旅行(杜拜)之外 ... 什麼也沒做過

返黎個日我足足訓左24個鐘 ... 真係痴線 ...

好似到依家仲有時差咁 ... 日日冇4點都訓唔到 ...(杜拜慢4小時的)




發現自己身體真係差到不得了 ...

陪熙熙去公園玩一陣 ... 比太陽曬唔夠5分鐘就頭暈 ... 直情睇野都矇 ... 日日都係咁 ...

好冇又去醫院輸血呢 ..... 再唔係食返藥都好丫 ...



大嫂搬走了 .....

聽講係大哥唔肯結婚 .....

最q憎呢d人 ..... 仲要浪費人地十幾年光陰 .....

比我一定大罵佢一餐 ..... 然後送佢一巴 ..... 再del哂佢電腦d野 ..... 整亂佢間房先走!!!

邊會走到好似冇人知咁 ....... 無聲無息 .......



感情本身真係好脆弱 ... 一句話分就分 ...

梁生 ..... 我地會係走到最後的一對嗎???!