女子 月巴 口牙 !!! 三咸 三咸 三咸 !!!

24/11 --- day 11

早上: 104 lbs
睡前: 105 lbs

heihei病 ... 搞到好忙
heihei訓訓下都嘔~~起身換床單
冇覺好訓~~精神好差~~
今晚要早d訓~~

因為heihei冇返學~~
早上冇煮飯~~食鳥冬
今日冇廁所去 ... (定還是尋日去左2次太多)
依家肚谷谷 ... 唔舒服!

今日唔乖~~食左個芝士漢堡~~!!!
幸好有堅持運動~~
我開始想懶了~~
聽日要繼續加油!!!

鄭多燕話唔使睇磅數~~雖然重左~~但不能氣餒!!!

運動: 鄭多燕健身舞(有氧操)40分鐘加20分鐘呼拉圈

25/11 --- day 12

早上: 104 lbs
睡前: 106 lbs

今日好晤舒服
傷風咳。。。成身啲骨好痛
去看醫生
醫生說我要休息下兩個星期不要運動，晤係晤會過
其實我晤太明佢講咩，加上放工個刻真係好累集中晤到聽佢講咩
我只記得佢話健身舞也不要跳
真係好辛苦!！想運動都冇力啦
呢兩個星期真係要休息下

今日仲係冇得去。。。
呢兩個星期唯有戒下口，晚飯完散下步都好
希望不要重返太多

運動: 沒有

26/11 --- day 13

早上: 105 lbs
睡前: 沒有磅

del!!!

27/11 --- day 14

早上: 106 lbs
睡前: 106 lbs

繼續嚴重傷風感冒ing ...........

昨晚仲同梁生&fd去釣魚(即係吹風!!!)
三個女仔一齊食食食
之後成班仲去食宵夜

有d後悔出左去tim ...
不過成個星期都冇見過其他人~~
可以三個女仔吹吹水都好開心(但今晚不能這樣了 !!!)

這兩天都有睡午覺~~
一睡醒都覺得自己好似腫左好多~~
要沖過熱水涼感覺才好一點 ...

希望聽日好返~~唔想再傷風感冒~~

運動: 沒有

P.S. 親愛的 ... 對我而言 ... 你就是我的那些年

28/11 --- day 15

早上: 106 lbs
睡前: 106.5 lbs

繼傷風感冒同腰有事後 ... 連d牙都有事!!!

左去睇牙醫~~照左醫生又話冇咩事
開左隻藥水比我就算~~
不過用左之後真係冇咁痛~~

今日感冒真係好返好多~~
二哥在日本買的藥真的好得 !!!

今晚食左2包細的粟一燒 .....><
依家已經冇運動~~聽日一定唔可以再咁樣~~

唔知到10/12之前我會重左幾多呢 ...? 唉~~

運動: 沒有 (10/12之後先可以運動)

29/11 --- day 16

早上: 105 lbs
睡前: 106 lbs

今早見到磅數嚇一嚇~~
可能因為尋晚6:30已經食飯~~咩都消化哂

便秘左2日今日終於有得去~~
呢排停左飲紅石榴汁~~因為唔想飲太多糖份野(雖然係果糖!)

雖然冇做運動~~
不過我已經戒左好多野~~
戒食任何令臉更包的東西(香口膠, 魷魚絲等 ... 所以要咀嚼好耐先入得肚既東西)
用瘦面同緊繳產品~~
同埋盡量企多d~~(eg. 用電腦都要企係度~~不能坐)

聽日10:20pm睇星空~~不過仲諗緊睇唔睇~~
後日星期四放假~~

運動: 沒有 (10/12之後先可以運動)

30/11 --- day 17

早上: 105 lbs
睡前: 忘記了

最後都有去睇星空~~套戲有啲悶
之後仲同梁生吵架，一小時後冇事
因為吵架連買了的宵夜也沒吃

運動: 沒有 (10/12之後先可以運動)


1/12 --- day 18

早上: 104 lbs
睡前: @@

今天放假去座談會
吹水三粒鐘，仲有薯片野飲供應
500蚊即時入袋
日日做我都肯！

好凍，想恰下恰下，食食食！

運動: 沒有 (10/12之後先可以運動)

2/12 --- day 19

早上: 沒磅
睡前: 105 lbs

今天同貓友去左漢和韓燒+恰下恰下
估晤到尋日講下結果真的去了

為了減輕內疚+友人未到
我由tst行到mk...感覺好爽

不過最近少吃肉，今晚見到都冇衝動想食，成晚都冇燒過野食
連三文魚刺身既熱情都細左
反而係想食熟食+烚下烚下(特別係炒飯)輕輕燒下就食得
堅正！不過下次要去返另一間，呢間連栗米都冇！

可惜cwb個間執左... 晤係生日果日再去食都ok
始終覺得cwb個間最好食最多野食

運動: 沒有 (10/12之後先可以運動)

24/5

睡前: 105-106 lbs

返黎呢度先想起"減肥"有呢樣野
呢半年我完全冇左回事 ........
不過可能習慣左早+午餐合併埋一餐 ... 什至唔食~~直接等放工5:30之後先食野
所以任我晚上點樣瘋狂地食~~什至食埋宵夜都冇咩點肥 ...
雖然冇重到~~不過真係feel到d衫緊左 ... 可能d肉又鬆左 ... 我真係好少運動

婆婆最近過左身 ...
同媽咪傾傾下計 ... 佢突然講左句 : 你身體咁差~~比你搵埋儲埋幾多錢都冇命享啦~~
咦~又講得幾岩wor ...
於是, 我走左去踏單車 ... 不過兩天後 ... 又懶返 ...

19/8

早上: 110 lbs

110 lbs... long time no see ... 其實我一d都唔掛住你 ... 你做乜黎搵我???

真係好耐冇試過咁肥~~肥到d bra扣要扣後一格~~仲要覺得緊緊地 ...
就係因為咁 ... 我先拎返個已經發左塵既體重磅 ... 睇一睇 ... oh .... 已經110 lbs
記得之前同診所d磅比較過 ... 我個體重磅係呃人的 ... 真實體重應該加1-2 lbs ... 即111-112 lbs
shit !!!

呢幾年本著肥幾磅老公唔會唔要我 ... 瘦幾磅老公唔會更愛我既心態
完全冇心減肥~~不斷食食食 ... 懶得就懶
一下子變成咁 ...
唔得~~我要減肥了!!! 短期目標要降返105 lbs!!!
5 lbs好似好少 ... 但對一個完全冇咩動力減肥既人其實已經好難
其實我仲想再瘦d~~不過好清楚自己唔係瘦底~~再瘦落只去只會唔健康
所以keep返105 lbs好了
如果唔keep返落去 ... 容乜易變返N年前既130 lbs?!
到時老公唔要我就真係唔知點算 ...!!!

11:00 芝士方包1片 乳酪50G 梳打餅1包
14:00 (同老爺奶奶飲茶) 牛肉球1.5粒 荷葉飯1.5碗 馬拉糕1件 鳳爪2隻 鮮竹卷1件
16:00 能得利5粒
20:00 生菜一大碗 白切雞3件 魚少許
24:00 生麵70g

呢d係咩減肥日記? 我想打自己一巴!!!
依家食習左真係好難忍口，特別係宵夜，岩岩訓左落床都起返身煮！
明天繼續加油！

16/11

早上: 110 lbs

本來想在香討打~~不過驚比d客發現~~始終我個英文名較特別
所以最後都留守貓網~~見過我的會知我是誰~~未見過只會是陌生人~~即使是客人也不會知道我是誰

有一段日子曾經成日keep住112 lbs
呢2日食少左先至減返d
真係好掛住早幾年keep住105 lbs既日子
真的要減了!

宇宙自然飲食法
早餐：生果，食到飽肚
午餐：菜+肉3:1
晚餐：菜+澱粉質3:1

其實呢個方法早幾年我都試過~~真係好work又唔太餓
個時係叫south beach diet ... 依家唔知點解個名比唐小姐改左咁

不過唔知點解唔係好跟到 ... 可能因為呢個唔係自己既家
人地整埋早餐比你 ... 你唔食走去食水果? 想比你在係背後X你咩!
唔理了~~盡量la

早餐：奇異果2個, 橙1個
午餐：金"姑"1包, 腸粉1條(+甜醬), 魚片粥1飯碗
下午茶： (真係好餓~頂唔順要食) 麥片1/2杯, 加州卷1件, 迷你百力滋1包
晚餐：大量菜, 蟹子丸3粒, 雲吞2粒, 魚片1片
宵夜：(個心想的是出前一丁~唔理~聽日午餐一定要食!) 梳打餅1包
運動：鄭多燕20分鐘

好似好多~~其實少過之前好多了
聽日要去飲!

11/12

105-106 lbs

話咁快就快1個月 ...
上個月中的起心肝話減 ...
總算有少少成績~~
keep住一星期有4-5日只食水果做早餐~~晚餐戒飯
迫自己食多d菜
好似真係輕左d~~d鉛筆褲都冇咁緊~~肚冇咁脹

最大功勞可能係因為兩星期一次返大陸整牙~~
時關我係個d一坐長途車鍾意空肚坐唔食野既人
加上水肚不服~d野又唔岩食
次次一返大陸返1日都會輕2 lbs
希望會keep住呢個體重啦!

11/9/2013

112 lbs

早: 青瓜沙津+西柚汁175ML
午: 菜+西柚汁175ML
晚: 雞扒沙津+半碗飯+菜
零食: 百力枝10條

12/9/2013

109 lbs M-1

早: 很忙沒時間食
午: 菜+西柚汁350ML+燒賣2粒+牛肉球1粒
晚:
零食:

每次登入打"榆女孩"我都有少少不好意思 
因為我已是一個26歲的媽媽了
好像還在裝年輕
但女孩這個名字... 對我而言真的很有親切感~~捨不得捨棄
最近和舊貓友相聚~~才發現原來已相識十年 

即天爆重到112 LBS~~要減減減!!!

朋友們也說我把金錢看得很重
我也不想這樣~~
但當身負太多責任~每一樣也關錢事...我還能怎樣
始終養小孩子沒錢是萬萬不能
遲一點還要搬出去住呢

13/10/2013

110 lbs

最近入醫院輸血了~~所以血氣暫時很忙
由4/10開始keep住隔日去行山~暫時都維持到~
感覺很不錯

呢幾年都好少行山~~一直以為自己年紀大所以身體差唔夠氣
但原來係因為唔夠血會先令自己唔夠氣
我好享受自己依家做運動冇以前咁易覺得累的感覺 ...
希望一直到keep到...
為自己既健康努力 ...

當然~如果可以的話~也希望能減少少肥啦~瘦10 lbs夠gala~hehe

9/11/2013

104 lbs

咁快就已經差唔多一個月lu~
都有少少成績既~~

之前mark低的尺寸 ... 其實比起10月頭一開始減個時已經瘦左少少... 不過10月頭冇mark低
14/10 - 108 lbs
手: 11' 腰: 29' 肚:33.25 下圍: 34.75 小腿: (左)13.5 (右)13

9/11 的尺寸
手: 11' 腰: 28' 肚:32.75 下圍: 34 小腿: (左)13.25 (右)13

不得不認老了~~以為一個月減10磅8磅~~食少d已經腰已經瘦得好快
但依家食個月先減得一寸
新陳代謝差了~~

我最想減d手一點也沒瘦~~可惡
難以想飲我的體重竟會有雙位數寸數的手臂!!!
因為行山減唔到手~~我已改了運動數天

早上: 鄭多燕啞鈴操1-2次
晚上: 呼拉圈1小時+飯後散步1小時
有時間抽空拉手筋~~多做手臂運動
每天至少1雞蛋+1杯奶 或 2雞蛋 (走1蛋黃)
每天也食白飯半碗至3/4碗

10/11/2013

104-105 lbs

早上: 鄭多燕啞鈴操1-2次 做到!
晚上: 呼拉圈1小時+飯後散步1小時 做到!
有時間抽空拉手筋~~多做手臂運動 做到!
每天至少1雞蛋+1杯奶 或 2雞蛋 (走1蛋黃) 沒有~今日飲左4碗魚湯太飽
每天也食白飯半碗至3/4碗 二哥過禮出外食沒飯
零食say no! 做到!


11/11/2013

104-105 lbs

腰好似又瘦左少少~~呼拉圈減腰真係好work!

早上: 鄭多燕啞鈴操1-2次 做到!
晚上: 呼拉圈1小時+飯後散步1小時 做到!
有時間抽空拉手筋~~多做手臂運動 做到!
每天至少1雞蛋+1杯奶 或 2雞蛋 (走1蛋黃) 只有1雞蛋
每天也食白飯半碗至3/4碗 做到!
零食say no! 少量糖果

12/11/2013

103-104 lbs

鄭多燕啞鈴操1-2次 做到!
呼拉圈1小時+快步1小時 做到!
有時間抽空拉手筋~~多做手臂運動 都有少少既!
每天至少1雞蛋+1杯奶 或 2雞蛋 (走1蛋黃) 只有1雞蛋
每天也食白飯半碗至3/4碗 做到!
零食say no! 好少量



13/11/2013

103-104 lbs

鄭多燕啞鈴操1-2次 做到!
快步1.5小時 做到!
每天至少10000步 做到!
有時間抽空拉手筋~~多做手臂運動 都有少少既!
每天至少1雞蛋+1杯奶 2杯奶+1雞蛋
每天也食白飯半碗至3/4碗 食左1/2碗
零食say no! 好少量


將運動改左少少~~
睇左一d文章~~呼拉圈太傷子宮了...
所以我寧願改為快走~~手腳一齊動~~
OMRON 同 TANITA 脂肪磅之間~~我選左OMRON
因為D人話如果上身脂肪多OMRON會較準(手太肥了!)
應該下星期中就會收到~~
希望到時之前會減到100 LBS ... 就可以開始注重減脂~~而不是減重~~
另外都發覺自己上圍細左少少 
真係要迫自己食返多D蛋白質先~~

14/11/2013

102-103 lbs (結左婚後最輕既磅數!   )

鄭多燕啞鈴操1-2次 做到!
快步1.5小時 做到!
每天至少10000步 12900步
有時間抽空拉手筋~~多做手臂運動 都有少少既!
每天至少1雞蛋+1杯奶 2杯奶
每天也食白飯半碗至3/4碗 食左1/2碗
零食say no! 冇食~不過今日梁生放假~~lunch去左飲茶~~食左d比平時lunch肥膩既野

突然好似瘦得好快...
但其實我諗緊係咪飲得太多奶 ... 腸胃有點敏感~去多左便便(多左1-2次)
平時飲1杯都冇呢個問題的
聽日開始試下1豆漿1牛奶先~

不過都有可能因為快步行多左~
睇過一d資料話鄭多燕同呼拉圈個d係無氧運動~只能修身但不減磅
快步走個d係有氧運動~先係減到磅
希望輕左就因為咁... 而唔係因為輕瀉啦~

15/11/2013

102 lbs

鄭多燕啞鈴操1-2次 做到!
快步1.5小時 做到!
每天至少10000步 10500步
有時間抽空拉手筋~~多做手臂運動 都有少少既!仲有玩呼拉圈
每天至少1雞蛋+1杯奶 1雞蛋+1杯奶
每天也食白飯半碗至3/4碗 食左1/2碗
零食say no! 1粒朱古力熊仔餅

今日好唔開心... 一路快步一路喊
梁生點解連d咁簡單既事都拒絕我... 
阿榆~~同朋友呻完後~~一陣訓覺~~訓醒聽日就要開心返喇~~
因為我知道我一唔開心就會狂食野~~我唔想咁

唔玩呼拉圈後覺得腰呢二日都冇瘦~~所以今日又做返
我搖得好慢好輕~~應該唔會影響身體既...
今日改飲返1杯奶~冇再輕瀉~全日一次便便都冇~尋日去太多了(3次呀~)

16/11/2013

102 lbs

鄭多燕啞鈴操1-2次 做到!
快步1.5小時 欠15分鐘,今天太累
每天至少10000步 8934步...今日電話好多事不在身~計步apps不能作準
有時間抽空拉手筋~~多做手臂運動 都有少少既!
每天至少1雞蛋+1杯奶 1雞蛋, 不過飲左好多鯉魚湯
每天也食白飯半碗至3/4碗 無食, 今日食麵包
零食say no! 今日... 唉~

今日打完dairy... 馬上有便便 
今日朝早去賣旗~交旗袋~之後入左赤柱玩
食左想食好耐既玉子蝦堡~~仲食左1/3包薯條
仲食左好出名既泗益咖央西多...好彩我有節制...食左1/6咋
回到家已經好疲累...食左媽味既愛心超足料鯉魚湯...忍唔住訓左
醒來時已經10:30...一磅不得了~~近105 lbs!
馬上狂做運動~做左2個幾鐘
第二日訓醒好彩輕返了~~

17/11/2013

102 lbs

鄭多燕啞鈴操1-2次 沒有!去長洲玩太累
快步1.5小時 沒有!去長洲玩太累
每天至少10000步 大約4000步...今日電話好多事不在身~計步apps不能作準
有時間抽空拉手筋~~多做手臂運動 沒有!去長洲玩太累
每天至少1雞蛋+1杯奶 1雞蛋, 不過飲左好多鯉魚湯
每天也食白飯半碗至3/4碗 白飯半碗
零食say no! 今日... 唉~

相愛六週年=3=
去長洲玩太累什麼也沒有做
自問已經好忍口
問返友人原來啞鈴操不能日日做
朋友告訴我要先快走(有氧運動)減去部分脂肪 ... 減至得返10寸
先好做鄭多燕啞鈴操(無氧運動)塑形....唔係的話... 一開始做鄭多燕啞鈴操D脂肪變哂肌肉仲難減~~
聽日開始又先改一下D運動~



18/11/2013

102-103 lbs

鄭多燕啞鈴操1-2次 暫停
快步2小時 近3小時
每天至少10000步 20259(-5550)
有時間抽空拉手筋~~多做手臂運動 好少
每天至少1雞蛋+1杯奶 1雞蛋, 1/2杯奶
每天也食白飯半碗至3/4碗 白飯半碗
零食say no! nuts少量

電子磅應該明天會收到

19/11/2013

102-103 lbs

鄭多燕啞鈴操1-2次 暫停
呼拉圈1小時 50分鐘
快步1.5小時 2小時
每天至少10000步 大約13578步
有時間抽空拉手筋~~多做手臂運動 少量
每天至少1雞蛋+1杯奶 1雞蛋+1杯奶
每天也食白飯半碗至3/4碗 白飯半碗
零食say no! 少量NUTS, 糖同動物餅

19/11 的尺寸
手: 10.5' 腰: 27' 肚:32.75 下圍: 33.75 小腿: (左)13 (右)12.75

今日好似凍左好多~早餐好明顯食多左
只要晚餐減量就可以了
因為我晚餐係食得最多
先喝至少1杯水再進食~每口只可食一種食物~食完一種先食另一種

原來我肚腩冇瘦過~肚腩仍超大~
所以今日又做返呼拉圈了
尋日快走太多~~今日手腳也痛痛地
要減量先得~不能太勉強自己

omron電子磅收到了~可手腳並測脂肪 



試用過...同浴室磅磅數差3 lbs...係足足重多3 lbs先係我真正既體重
怪不得之前去睇醫師都覺在診所磅得重過屋企gala
一早知會唔準~但真係估唔到會差咁遠

20/11/2013

47.9kg (個磅只有kg...即105.4 lbs)
脂肪率 25.9%    基礎代謝 1093    

鄭多燕啞鈴操1-2次 暫停
呼拉圈1小時 沒有
快步1.5小時 45分鐘
有時間抽空拉手筋~~多做手臂運動 少量
每天至少1雞蛋+1杯奶 1雞蛋
每天也食白飯半碗至3/4碗 白飯半碗
零食say no! 少量NUTS同動物餅

二哥明天結婚~~十年愛情長跑~~要一直幸福呀 

22/11/2013 M-1

47.9kg (尋日二哥結婚, 中午飲茶同晚上飲宴都食左好多野都冇重 )
脂肪率 26.7%    基礎代謝 1094

鄭多燕啞鈴操1-2次 暫停
呼拉圈1小時 沒有
快步1.5小時 沒有
有時間抽空拉手筋~~多做手臂運動 少量
每天至少1雞蛋+1杯奶 1雞蛋
每天也食白飯半碗至3/4碗 白飯半碗
零食say no! 少量NUTS同薯片

尋日二哥結婚很忙~什麼運動也沒做
period好彩今日先黎~尋日黎我一定屎左~變左阿婆行路~
成日覺得好想食野

雖然冇重~但脂肪率上升
但M痛真係好辛苦~唯有迫自己行多D